Qazaq folklorynyń keıipkerleri komıkster men mýltfılmderde paıda bolýy múmkin
ASTANA. KAZINFORM – Almatyda «Urpaq tárbıesi: balalar kontenti jáne medıasaýattylyqty arttyrý» taqyrybynda dóńgelek ústel ótti, dep habarlaıdy Mádenıet jáne aqparat mınıstrliginiń baspasóz qyzmeti.
«Qazaq gazetteri» JShS-niń Almaty qalasyndaǵy fılıaly uıymdastyrǵan jıynǵa balalar jazýshylary, salalyq basylymdardyń redaktorlary, jýrnalıster men kitaphana isiniń ókilderi qatysty.
Qatysýshylar balalarǵa arnalǵan zamanaýı merzimdi basylymdar men ádebıetti damytý, sapaly ulttyq kontent qalyptastyrý, medıasaýattylyqty arttyrý jáne jasandy ıntellekt múmkindikterin paıdalaný máselelerin talqylady.
Іs-sharada qazaq folkloryndaǵy keıipkerlerdi komıks pen anımatsııaǵa beıimdeý, ǵylymı-tanymdyq kontentti damytý, kitap ıllıýstratsııalarynyń sapasyn arttyrý jáne avtorlar men oqyrmandar arasyndaǵy baılanysty kúsheıtý jóninde usynystar aıtyldy.
Sondaı-aq aqparatpen durys jumys isteý daǵdylary sóz boldy. Qatysýshylar balalardy aqparatty taldaýǵa, derekkózderdi synı turǵydan baǵalaýǵa jáne sapaly kontentti tańdaı bilýge úıretýdiń mańyzyn atap ótti.
Aıta keteıik, Astanada 15 kitap oqyp, 600 myń teńge utyp alýǵa bolatynyn jazǵanbyz.
