Qazaq estradasynyń juldyzdary salaýatty ómir saltyn ustanýǵa shaqyrady
ALMATY. QazAqparat - Almatyda erteń qazaq estradasynyń juldyzdary Meırambek Besbaev, Tolqyn Zabırova, Baqtııar Taılaqbaev, Álisher Kárimovtiń qatysýymen «Óz ómirińniń uzaqtyǵy - óz qolyńda» atty aktsııa ótedi.
Bul týraly qalalyq Densaýlyq saqtaý basqarmasynyń baspasóz qyzmetinen habarlady.
Atalmysh sharany qalalyq Densaýlyq saqtaý basqarmasy QR DSM «Densaýlyqqa qaraı 7 qadam» marafony aıasynda uıymdastyrmaq.
Kontserttik baǵdarlamadan keıin ártister men kelýshiler №5 qalalyq emhanada profılaktıkalyq tekserýden ótedi.
«Sonymen qatar, 4 sáýirde qalalyq ardagerler keńesiniń músheleriniń atsalysýymen taýly aımaqtarda jaıaý júrý aktsııasy uıymdastyrylady», - delingen habarlamada.
