Qazaq estradasynyń ańyzy Lakı Kesoglý: Astana - bul qulaqqa jaǵymdy estiletin yqshamdy ataý
NUR-SULTAN. QazAqparat – Qazaq estradasynyń ańyzy, keńestik jáne qazaqstandyq estrada ánshisi Lakı Kesoglý elordaǵa Astana ataýyn qaıtarýǵa qatysty pikir bildirdi.
Onyń aıtýynsha, Astana – bul qulaqqa jaǵymdy estiletin óte yqshamdy ataý, dep habarlaıdy QazAqparat tilshisi.
«Durys sheshim qabyldandy. Astanaǵa burynǵy ataýyn qaıtarý kerek dep esepteımin. Astana - elorda dep aýdarylady. Bul qulaqqa jaǵymdy estiletin óte yqshamdy ataý. Ol barlyǵynyń qulaǵynda jattalǵan. Bul da mańyzdy ról atqarady», - dedi Lakı Kesoglý.
Belgili ánshi elordada birneshe ret bolyp, kontsert bergen. Sondaı-aq, ol elordanyń qalyptasý kezeńine qatysty oı-estelikteri jóninde aıtty.
«Men Astanany qalyptasý kezeńinen bastap bilemin. Onyń bizdiń kóz aldymyzda qalaı damyǵany esimde. Elorda dese, birden iri qurylystar oıǵa oralady. Qala taqyr jerden boı kóterdi jáne ol zamanýı etip salyndy», - dep túıindedi ánshi.
Buryn habarlaǵanymyzdaı, depýtattardyń elordaǵa Astana ataýyn qaıtarý usynysy Memleket basshysynyń kelisimimen Konstıtýtsııalyq zań jobasyna engizilgen bolatyn.
Foto:old.vecher.kz
