«Qazaq eliniń tarıhy» kitabynyń qazaqsha nusqasy jaryq kórdi
ALMATY. 20 aqpan. QazAqparat - Qazir qazaqtyń rýhyn kóterip, tarıhty tanýǵa jol ashatyn kitaptar qajet.
Tarıhshy Ermuhan Bekmahanovtyń 1943 jyly jazǵan «Qazaq eliniń tarıhy» kitabynyń qazaq tilindegi nusqasynyń keshe, Almatyda ótken tanystyrylymynda osylaı aıtyldy.
"Ótken jyly Bolathan Taıjan qory basyp shyǵarǵan orys tilindegi bul kitaptyń alǵysózin jazǵan edim. Endi búgin mine bul shyǵarmany ana tilimizde oqýǵa múmkindik týyp otyr. "Qazaq eliniń tarıhy" 1943 jyly Ermuhan Bekmahanovtyń kásibı deńgeıde jazǵan týyndysy. Qazir qazaq jastaryna, ásirese, stýdentterge qazaq tilindegi tarıhı kitaptardyń obektıvti túri aýadaı qajet. Al, osy kitap sol qajettiliktiń ornyn toltyrady", - deıdi tarıh ǵylymdarynyń doktory, professor Talas Omarbek.
