Qazaq eliniń «Astana arlandary» endi jartylaı fınaldyq dodaǵa daıyndalýda

Búkilálemdik boks serııasy jobasynyń besinshi maýsymynda «A» tobynda Kýba boksshylary 42 upaı jınap, kezeńdik básekelerde eshbir eldiń komandasyna ese jibergen joq.

Kósh basyndaǵy osy atalǵan eki komanda birden jartylaı fınalǵa shyǵyp otyr.

Endi eki toptaǵy ekinshi jáne úshinshi oryndy ıelengen komandalar jartylaı fınalǵa shyǵý úshin ózara kezdesý ótkizbekshi. Atap aıtqanda, Búkilálemdik boks serııasy saıtynyń málimetine súıensek, 6-7 mamyr kúnderi Ázirbaıjannyń 32 upaıǵa ıe bolǵan «Baký ottary» men «Meksıko Gýerreros» (28 upaıy bar) komandalary ózara kezdesip, jeńgeni Kýba qabylandarynyń qarsylastary atanady.

Sondaı-aq 10 jáne 11 mamyr kúnderi «A» tobynda 32 upaı jınaǵan Reseıdiń «Rashn Boksın Tım» komandasy «B» tobynda 27 upaıdy enshilegen «Italııa Tander» boksshylarymen kezdesedi. Osy eki komandanyń jeńgeni «Astana arlandarynyń» jartylaı fınaldaǵy qarsylasy bolmaq.

Jartylaı fınaldyq kezdesýdi 23-24 mamyr kúnderi Astanadaǵy «Dáýlet» sport kesheninde ótkizý josparlanýda.