Qazaq eline taǵy bir jeńis syılaımyz - Qanat Islam
ASTANA. QazAqparat - YouTube jelisinde qazaqstandyq boksshy Qanat Islamnyń kezekti jekpe-jegi aldynda ótken baspasóz máslıxatynyń vıdeosy jarııalandy, dep habarlaıdy QazAqparat tilshisi.
"Assalaýmaǵaleıkým, Qazaq eli! Jarysqa taǵy bir apta qaldy. Alla jazsa, Qazaq eline taǵy bir jeńis syılaımyz dep oılaımyn. Artymyzda xalqymyz, jurtymyz bar. Sol xalqymyzdyń úmitin aqtaımyz dep oılaımyn. Taqymdaryńyzdy qysyp, jankúıer bolyp otyrǵandaryńyzǵa raqmet! Qazaq elinde, Qazaqstanda jeńisti kúnder kóp bolsyn!", - deıdi Qanat Islam. Qazaqstandyq boksshy Janqosh Turarov ta óz lebizin jetkizdi. "Bári durys, bári jaqsy. Jattyǵýlardy bastap jatyrmyz. Aldaǵy kezdesýge daıynbyz", - deıdi Turarov. Baspasóz máslıxatyna arnalǵan vıdeodan bólek Qanat Islamnyń daıyndyǵy týraly beınebaıan jarııalandy.
Aıta keteıik, Islam - Gonsales jekpe-jegi 26 mamyrda Boka-Ratonda (AQSh, Florıda shtaty) ótedi. Atalǵan jekpe-jekte birinshi orta salmaqtaǵy WBO NABA jáne WBA Intercontinental tıtýly sarapqa salynady. 27 mamyrda tańerteń «Kazaqstan» jáne «Kazsport» telearnalary Qanat Islamnyń jekpe-jegin tikeleı efırden kórsetedi. Sondaı-aq bul keshte qazaqstandyq Janqosh Turarov ta (20-0, 14 KO) rıngke shyǵady. Onyń qarsylasy meksıkalyq Gýstavo Garıbaı (13-8-2, 5KO).
