Qazaq elin sharpyǵan ashtyq bolshevıkter júrgizgen saıasattyń obektıvti nátıjesi - tarıhshy pikiri
ASTANA. 1 maýsym. QazAqparat - Qazaq elin sharpyǵan ashtyq bolshevıkter júrgizgen saıasattyń obektıvti nátıjesi.
Bul pikirdi búgin elordada ótken «Qazaqstandaǵy asharshylyq: halyq tragedııasy jáne tarıh sabaqtary» halyqaralyq ǵylymı-tájirıbelik konferentsııa aıasynda uıymdastyrylǵan baspasóz máslıhatynda Sh.Ýálıhanov atyndaǵy Etnologııa ınstıtýtynyń dırektory Hangeldi Ábjanov bildirdi.
«Ashtyq, birinshiden bolshevıkter júrgizgen agrarlyq-kadrlyq saıasattyń obektıvti nátıjesi. Ekinshiden, Qazaqstandaǵy ashtyqtyń sýbektıvti sebebi bar. Ol Goloshekınniń qyzmetimen baılanysty», - dedi ol.
Tarıhshynyń aıtýynsha, keıbireýler Goloshekınniń solaqaı qyzmetinen, asyra silteýinen Qazaqstandaǵy ashtyq qoldan uıymdastyryldy degen jańsaq pikirge boı aldyryp júr.
«Shyndyǵynda bul qoldan uıymdastyrylǵan joq. Bolshevıkterdiń júrgizgen saıasatynyń obektıvti nátıjesi. Ekinshiden sol saıasatty asyra siltep atqarǵan Goloshekınniń qyzmetiniń sýbektıvti saldary», - dedi H.Ábjanov.
