Qazaq elin halyqaralyq arenada tanytyp júrgen qyz-kelinshekter- «Egemen Qazaqstan» gazeti
ASTANA. QazAqparat - «QazAqparat» HAA oqyrmandar nazaryna «Egemen Qazaqstan» gazetiniń 8 qańtardaǵy sanyna sholýdy usynady.
«Egemen Qazaqstan» gazetiniń búgingi sany Memleket basshysy Almaty qalasynyń ákimi Baýyrjan Baıbekti Prezıdenttiń Almatydaǵy rezıdentsııasynda qabyldaýymen bastalady. Sondaı-aq bas basylymnyń birinshi, ekinshi jáne úshinshi betinen QR Prezıdenti Keńsesiniń bastyǵy Mahmut Qasymbekovtyń «Prezıdenttiń jumys kestesi: 2017 jyldyń negizgi qorytyndylar» atty sholýynan oqı alasyzdar.
«Qoǵam» aıdarynan Astana qalasy boıynsha Din problemalaryn zertteý ortalyǵy basshysynyń orynbasary, teolog Aıbek Atashevtiń suhbaty jarııalandy. Aıbek Atashevpen tilshimiz Dýman Anash tildesken bolatyn.
Sondaı-aq bas baǵanda Darhan Ómirbek «Jýrnalıster jahandyq bilimge nege umtylmaıdy» jáne Ǵabıt Músirep «Er men eńbek» atty mańyzdy másele kóterdi.
«Egemenniń» «Áıel álemi» atty arnaıy betinen Qazaq elin halyqaralyq arenalarda tanytyp júrgen qyz-kelinshekterdiń jetistigimen tanysa alasyz. Sonymen qatar 2018 jyldyń 13 sán úlgisin oqı alasyz.
Kóziqaraqty ári qazaqtyń kóńil tórinen san qyrly talanty arqyly oryn taýyp, súıkimdi beınesimen jyly ushyraıtyn Sarybaevtar áýleti týraly sóz qozǵalǵanda óz-ózinen suranyp turatyn bir saýal bar. Talantty áýletten týǵandardyń biri - mýzyka tanýshy, ónertaný kandıdaty Bolat Sarybaev týraly Aıgúl Ahanbaıqyzynyń «Aspaptaný ǵylymynyń atasy» atty estelikti oqyńyz.
Sport betinen jýrnalıst Qydyrbek Rysbektiń Olımpıada chempıony, Barker kýbogynyń ıegeri Baqtııar Artaev týraly jazǵan «Topjarǵan» maqalasyn oqı alasyz.
Gazetimizdiń búgingi sanynan budan basqa da qyzyqty ári mazmundy maqalalar men aqparattarǵa qanyq bolasyzdar.
