«Qazaq eli» tarıhı kópserııaly fılmin túsirýde eshqandaı problemalar joq - prodıýser A.Ásenov

ASTANA. QazAqparat - Qazaq handyǵynyń 550 jyldyǵyna oraı túsirilip jatqan «Qazaq eli» atty 10 serııaly fılmniń túsirilimderi qarqyndy júrip jatyr. Bul týraly búgin Ortalyq kommýnıkatsııalar qyzmetindegi brıfıngte osy týyndynyń prodıýseri Arman Ásenov málim etti.

«Osy jumysymyzdyń barysynda eshqandaı problemalardy baıqap otyrǵanymyz joq. Aýa raıyna baılanysty keıbir qıyndyqtar boldy, degenmen biz ózimizdiń súıikti isimizben aınalysýdamyz. Qazirgi kezde túsirilim alańynda 205-300-ge jýyq adam jumys istep jatyr. Búginde 70-ke tarta kórinister túsirilip boldy. Serıaldaǵy jalpy hronometrajy 150 kórinisti qamtyp otyr», - dedi ol. «Qazaq eli» tarıhı fılmi aldaǵy jyldyń naýryz aıynda kórermen nazaryna usynylady dep kútilýde.