Qazaq eli shahmattan álem chempıonatyn taǵy da ótkizýge nıetti
ASTANA. 10 shilde. QazAqparat - Qazaq eli shahmattan álem chempıonatyn taǵy da ótkizýge nıetti. Bul týraly búgin elordada aıaqtalǵan jedel shahmattan jáne blıtsten álem chempıonatynyń qorytyndy baıapasóz máslıhatynda QR Shahmat federatsııasynyń
prezıdenti, Indýstrııa jáne jańa tehnologııalar mınıstri Áset Isekeshev aıtty.
«Biz Qazaqstanda iri týrnırlerdi turaqty ótkizip otyrýdy josparlaýdamyz. Óıtkeni bul bizdiń shahmatshylarymyzdyń osyndaı týrnırlerge boı úıretýine múmkindik beredi. Sondyqtan da biz FIDE-men kelissózder júrgizip, kelesi álem chempıonatyn ótkizý máselesin talqylaýdamyz», - dedi ol.
Sonymen qatar Á.Isekeshev kelesi álem chempıonatyn ótkizý kúnin aıtýǵa áli erte ekendigin aıtyp, ýaqyty kelgende jarııa etýge ýáde berdi.
Aıta keteıik, 2-10 shilde kúnderi Astanada ótken jedel shahmat (rapıd) jáne blıts boıynsha álem chempıonatynyń júlde qory 400 myń AQSh dollaryn quramaq. Týrnırge shahmat álemindegi tanymal 16 grossmeıster qatysty. Olardyń qatarynda Magnýs Karlsen, Sergeı Karıakın, Borıs Gelfand, Veselın Topalov, Vasılıı Ivanchýk, Teımýr Radjabov, Aleksandr Grışýk syndy maıtalman oıynshylar boldy. Qazaqstan namysyn rapıd boıynsha Murtas Qajǵalıev jáne Ánýar Іsmaǵambetov, blıts boıynsha Pavel Kotsýr jáne Rınat Jumabaev qorǵady.
Qala kúni aıasynda ótken sharany uıymdastyrýshylar - Astana qalasy ákimshiliginiń, QR Sport jáne dene shynyqtyrý isteri agenttiginiń, Mádenıet jáne aqparat mınıstriligiń qoldaýymen Qazaqstan Respýblıkasynyń shahmat federatsııasy jáne FIDE halyqaralyq shahmat federatsııasy.
