«Qazaq eli» páni óz halqyńnyń shyqqan tegin bilý úshin oqytylady - Elbasy
ASTANA. 3 qyrkúıek. QazAqparat - Búgin Astanadaǵy № 64 mektep-lıtseıde elorda mektepteriniń joǵary synyp oqýshylarymen otansúıgishtik taqyrybynda sabaq ótkizgen Elbasy Nursultan Nazarbaev «Qazaq eli» páni halqyńnyń shyqqan tegin bilý úshin oqytylatyndyǵyn atap ótti.
«Sońǵy málimetter boıynsha, alǵashqy adam shamamen 150 myń jyl buryn Afrıkanyń shyǵysynda paıda bolǵan. Qazir solaı deıdi. Degenmen, shyǵys adamdary alǵashqy adam Altaıda, bizdiń Shyǵys Qazaqstandaǵy Muztaý taýynan shyqqan deıdi. Men ótken jyly oǵan alǵash ret tikushaqpen bardym, óte qyzyqty, adamdy ózine tartatyn oryn eken», - dedi Memleket basshysy.
Genetıkterdiń Afrıkada, Azııada jáne Amerıkada turatyn adamdardyń shyqqan tegi bir ekendigin anyqtaǵandyǵyn atap ótken Elbasy: «Bizdiń tarıhymyzdy da bilý kerek. Sondyqtan «Qazaq eli» páni sender óz halqynyń shyqqan tegin bilsin dep oqytyla bastady. Óz jerińniń, óz halqyńnyń tarıhyn bilý kerek. Bul óte mańyzdy», - dedi.
