«Qazaq Eli» monýmentindegi jazýlar óshirildi
ASTANA. QazAqparat - «Qazaq Eli» monýmentindegi jazýlar óshirildi. Bul týraly Astana Astana qalasynyń mádenıet, muraǵattar jáne qujattama basqarmasy habarlady.
«Qazaq Eli» monýmentinen tabylǵan jazýlardy óshirý jumystaryn júrgizgen. Jazýlardy boıaýǵa kásipqoı alpınıster tartyldy.
Monýmenttiń ushar basynda Samuryq qustyń aınalasyndaǵy japyraqshalardyń ishine jazylǵan jazýlar Naýryz merekesin toılaý kezinde dronnan túsirilgen beıneni kórgende baıqalǵan.
Eskertkishterdi qorǵaý salasynyń mamandary men músinshi Murat Mansurovtyń paıymdaýynsha, monýmenttegi jazýlar ony ornatqan qurylysshylardyń isi bolýy múmkin.
Monýmenttegi jazýlarda vıdeobloger Táńirbergen Berdiońǵar tapqan bolatyn. Astanada Naýryz merekesin toılaý kezinde dron arqyly áýeden túsirilgen vıdeony qarap otyryp ol monýmenttiń ushar basynan «Murat», «Berdibek», «Taraz» degen sózderdi tapqan. Osyǵan qatysty tusty vıdeorolıktiń 16 mınýt 19 sekýndynda baıqaýǵa bolady.
