Qazaq eli Azııa kontınentiniń jas turǵyndaryn 7-shi qysqy Azıada oıyndaryna arnalǵan sýretter men esselerdiń halyqaralyq baıqaýyna qatysýǵa shaqyrady

Búgin «Nur Otan» HDP-nyń ortalyq apparatynda ótken baspasóz máslıhaty barysynda atalǵan partııanyń hatshysy Muhtar Erman bul baıraqty básekelerdiń elimizdiń táýelsizdiginiń 20 jyldyǵy qarsańynda ótýi ulttyq jetistiktermizdi pash etýge zor múmkinshilik týdyryp otyrǵandyǵyn basa aıtty.

Al 7-shi qysqy Azıada oıyndaryn ótkizý jónindegi astanalyq dırektsııanyń bólim bastyǵy Erbol Jaılaýovtiń sózine qaraǵanda, elimizde alǵash ret ótkizilgeli otyrǵan baıqaý Qazaqstannyń, sonymen qatar Azııa elderiniń jastaryn mádenıetke, sportqa, salaýatty ómir saltyna tartý maqsatynda ótkizilip otyr. Atalǵan is-sharaǵa ótinishterdi qabyldaý qarashanyń 1-ine deıin jalǵasady. Qazaqstan jas óspirimderi óz jumystaryn tikeleı uıymdastyrý komıtetine jiberetin bolsa, Azııa turǵyndary Ulttyq olımpıada komıtetine joldaýlary kerek.

«Jas sýretshiler «Meniń Azıada oıyndarym, meniń úmitim», «Men jáne Irbı», «Astana men Almaty 7-shi qysqy Azıada oıyndaryn qabyldaıdy» degen úsh taqyryptyń birin, sondaı-aq al esse avtorlary da «Sport salaýatty ómir salty retinde», «Astana men Almaty 7-shi qysqy Azıada oıyndaryn qabyldaıdy» jáne «Meniń ómirimdegi qysqy sport túrleri» degen taqyryptardyń birin tańdaýǵa erikti», deıdi M.Erman.

Erbol Jaılaýovtiń sózine qaraǵanda, baıqaýdan ozyp shyqqan 4 jasóspirim 2011 jyly qańtardyń 30-ynda elordada ótetetin Azıadanyń saltanatty ashylýyna shaqyrylady. Sondaı-aq baıqaýda úzdik tanylǵan jastar sertıfıkatqa ıe bolyp, túrli baǵaly syılyqtarmen marapattalady. Jalpy baıqaý jeńimpazdaryn quramynda Uıymdastyrý komıtetiniń, AOK Bilim jáne ǵylym komıtetiniń ókilderimen qatar belgili sýretshiler men jazýshylardan turatyn top anyqtaıtyn bolady.