«Qazaq Eli» alańyndaǵy Jeńistiń 70 jyldyǵyna arnalǵan paradqa áskerı qyzmetshiler men áskerı tehnıka rekordtyq kólemde tartyldy
ASTANA. QazAqparat - Astanada Qazaqstan Respýblıkasynyń Prezıdenti, Joǵary Bas qolbasshy Nursultan Nazarbaevtyń qatysýymen Otan qorǵaýshy kúni men Jeńistiń 70 jyldyǵyna arnalǵan áskerı parad bastaldy.
Aıta keteıik, bul paradqa Qarýly Kúshterimizdiń áskerı qyzmetshileri men áskerı tehnıkasy rekordtyq kólemde tartylǵan.
Qorǵanys mınıstrliginiń málimetine súıensek, paradqa 5 000-ǵa jýyq áskerı qyzmetshi, 200 dana shamasynda qarý jaraq pen áskerı tehnıka, áskerı avıatsııanyń 70 ushaǵy men tikushaǵy qatysýda. Sonymen qatar, QR Qarýly kúshteriniń tehnıkasynan tys, Uly Otan soǵysy ýaqytyndaǵy armııa men qarý-jaraq túrleri de kórsetiledi.
"Osy oraıda tý ustaýshy toptar QR Memlekettik týy men osydan 70 jyl buryn otandasymyz Raqymjan Qoshqarbaev pen onyń jaýynger dosy Grıgorıı Býlatovtyń Reıstagqa tikken týynyń dál kóshirmesi - Jeńistiń qyzyl týyn alańǵa alyp shyǵý rásimi bolady",-delingen Qorǵanys mınıstrliginiń aqparatynda.
Paradtaǵy jaıaý tizbekter sherýin armııa generaly Saǵadat Nurmaǵambetov atyndaǵy "Jas ulan" respýblıkalyq mektebiniń barabanshylary rotasy ashady. Olardyń sońyna ilese Uly Otan soǵysy ýaqytyndaǵy áskerı kıim úlgisindegi úsh paradtyq top júrip ótpek. Bul rette, birinshi top Uly Otan soǵysy kezinde quramynda bizdiń jerlesterimiz soǵysqan 72 gvardııalyq atqyshtar dıvızııasynyń jaýyngerlik týynyń kóshirmesin ustap ótedi.
Saltanatty sapty QR Qorǵanys mınıstrliginiń, Qurlyq áskerleriniń, Áýe qorǵanysy kúshteriniń jáne Áskerı-teńiz kúshteriniń ofıtserlerinen quralǵan paradtyq toptar jalǵastyrady. Aeroutqyr áskerleriniń, teńiz jaıaý áskerleriniń, bitimgershilik kúshteriniń, arnaıy maqsattaǵy rotalar, áskerı qyz-kelinshekterden quralǵan rotalar, áskerı poltsııa rotalary da paradta sap túzep ótedi.
Paradqa qatysatyn áskerı tehnıkalarǵa toqtalsaq, tarıhı áskerı tehnıkalardyń tizbegin ózdiginen júrip ótetin T-34 tanki, ZıL-157 súıretken ZIS-2 zeńbirekteri jáne M-30 gaýbıtsalary, aty ańyzǵa aınalǵan BI13 RS-30 "Katıýsha" tehnıkalary bastamaq. Sonymen qatar, "Maksım" pýlemeti, RPD (Degtıarea qol pýlemeti), PPSh (Shpagın tapansha-pýlemeti) de paradqa qatysýshylar nazaryna usynylmaq.
"Paradqa qatysatyn qazirgi tehnıkalarǵa toqtalsaq, zamanaýı tehnıkalar sherýin basqarylatyn qarýmen jaraqtandyrylǵpn T-72B tanki bastaıdy. Budan ózge, alańda tantkterdi qoldaý jaýyngerlik mashınalary, sońǵy jyldary qazaqstandyq armııanyń sapyna qosylǵan jaýyngerlik mashınalar, "Solntsepek" jaıaý ásker jaýyngerlik mashınalary, BTR-82 bronetransporterler, D-30, "MSTA" gaýbıtsalary, KamAZ, avtokólikteri "Tıgr" brondy kólikteri, "Korba" jaýyngerlik barlaý kólikteri jáne basqa da zamanaýı áskerı tehnıkalar júrip ótedi",-deltsngen aqparatta,
Paradta avıashoý erekshe bolady dep kútilýde. Bular maıdandyq, áskerı-kóliktik jáne armııa avıatsııasynyń Sý-25, Sý-27, Sý-30, MıG-29, MıG-31, MıG-27, An-26, Tý-134, Tý-154, S-295 ushaqtary, sondaı-aq Mı-8, Mı-17, Mı-171, Mı-26, K-32jáne ES-145 tikushaqtary . Paradqa QR Qarýly kúshteriniń tarıhynda alǵash ret qazaqstandyq Áskerı-áýe kúshteriniń sapyn tolyqtyrkan 4++ býynyna jatatyn jańa joǵary manevrli Sý-30MS joıǵysh ushaǵy qatysady.
