Qazaq dzıýdoshy Azııa oıyndarynda top jardy
NAGOıA.KAZINFORM — Etnıkalyq qazaq sportshy Japonııada ótip jatqan HH jazǵy Azııa oıyndarynda top jaryp, Mońǵolııa qorjynyna alǵashqy altyn júlde syılady.
Erler arasynda 66 keli salmaqta jarys jolyna shyqqan qandasymyz Qadirbek Elka qarsylas shaq keltirmeı, Azıada chempıony atandy.
Aıta keterligi, mońǵolııalyq sportshy shırek fınalda qazaqstandyq Ǵusman Qyrǵyzbaevty qapy qaldyrǵan bolatyn.
Aqtyq synda qandasymyz ózbekstandyq Nýtfýlloev Abdýrahımdy jeńip, altyn medal enshiledi.
Qadyrbek Elka 2000 jyly Mońǵolııanyń soltústiginde Darhan degen jerde dúnıege kelgen. Sportshy alǵashqy halyqaralyq dodadaǵy júldesin 2025 jylǵy álem chempıonatynda enshilep, qola medal qanjyǵalaǵan.
Osyǵan deıin habarlaǵanymyzdaı, Ábıba Ábýjaqynova áıelder arasynda 48 keli salmaqta kúmis júlde jeńip aldy.
Sonymen qatar erler arasynda 60 keli salmaqta fınalda óner kórsetken Eldos Smetov Azııa oıyndarynda kúmis júldeger atandy.
Ǵusman Qyrǵyzbaev pen Merýert Sársenova qola júlde úshin beldesýde jeńilip qaldy.
