Qazaq dıplomatııasynyń tarıhy ǵasyrlardan tamyr alady - Jozep Borrel

NUR-SULTAN. QazAqparat – Uly dalanyń danagóı dıplomatııasynyń murageri qazaq dıplomatııasynyń tarıhy ǵasyrlardan tamyr alady. Mundaı pikirdi «Halyqaralyq qatynastardyń qazirgi zamanǵy júıesindegi Qazaqstan Respýblıkasy» atty halyqaralyq konferentsııa barysynda Eýropalyq odaqtyń syrtqy ister jáne qaýipsizdik saıasaty jónindegi joǵary ókili Jozep Borrel bildirdi, dep habarlaıdy QazAqparat tilshisi.

«Búgin Qazaqstannyń dıplomatııalyq qyzmeti óziniń otyz jyldyǵyn atap ótýde. Qazaq dıplomatııasynyń ǵasyrlyq tamyry bar. Olar - Uly dalanyń dana dıplomatııasynyń muragerleri. Osy tamyrlardyń arqasynda Eýropa men Azııanyń toǵysqan jerindegi álemdegi eń iri elderdiń birin saqtap qalýǵa múmkindik týdy», - dedi Josep Borrel.

EO ókili otandyq dıplomattardyń Qazaqstandy egemen, beıbit jáne ashyq memleketke aınaldyrý jolynda aıanbaı eńbek etkenin basa aıtty.

«Bul geosaıası turǵyda jáne teńizge shyǵa almaıtyn geografııalyq jerde jıi qıyn. Sońǵy 30 jyl ishinde Qazaqstan ózin halyqaralyq qoǵamdastyqtyń belsendi jáne bedeldi múshesi retinde nyq tanytty. Qazaqstan - ıadrolyq qarýdy taratpaý jáne ıadrosyz álem úshin qozǵalysty belsendi qoldaýshylardyń biri, Ortalyq Azııadaǵy jetekshi memleket, Eýropalyq odaqtyń senimdi jáne dostas seriktesi. EO atynan Qazaqstandy jáne onyń dıplomattaryn shyn júrekten quttyqtaımyn jáne sizderge tabys, órkendeý jáne aldaǵy uzaq jyldar boıy beıbit damý tileımin», - dep atap ótti ol.