Qazaq dermatologııa jáne juqpaly aýrýlar ortalyǵynyń dırektory 5 mln teńge para alǵany úshin sottaldy

ASTANA. KAZINFORM – Almaty qalasy Medeý aýdandyq soty Qazaq dermatologııa jáne juqpaly aýrýlar ǵylymı ortalyǵynyń dırektory BBaıserkın men orynbasary A.Ábishev jáne Halyqaralyq joǵary oqý ornynan keıingi bilim berý ınstıtýtynyń dırektory A.Tolemisovaǵa úkim shyǵardy.

Antıkor taratqan derekke qaraǵanda, Baıserkın óziniń orynbasary Ábishevtiń kómegimen kásipker Tolemisovadan medıtsınalyq qyzmetkerlerdiń biliktiligin arttyrý jónindegi konsortsıým sharty sheńberinde jumystar men qyzmetterdi kedergisiz oryndaǵany úshin 5 mln teńge somasynda para alǵany úshin kináli dep tanyldy.

- Sot úkimimen Baıserkın men Ábishevke árqaısysyna 4 jyl bas bostandyǵynan aıyrý jazasy taǵaıyndaldy.

Sol úkimmen Tólemisova atalǵan laýazymdy tulǵalarǵa para bergeni úshin 3 jylǵa bas bostandyǵynan aıyryldy, - dep jazdy vedomstvodan.

Sottalǵandar memlekettik qyzmette jáne kvazımemlekettik mekemelerde qyzmet atqarý quqyǵynan ómir boıy aıyryldy.

Sot aktisi zańdy kúshine engen joq.

Aıta keteıik, qazaqstandyqtar jemqorlyq týraly habarlaǵany úshin 15,7 mln teńgege deıin syıaqy ala alady.