Qazaq depýtat XIV Búkilqytaılyq halyq ókilderi jınalysy prezıdıýmyn múshe boldy
ASTANA. KAZINFORM – Qytaıdaǵy ulty qazaq depýtattar eldiń mańyzdy saıası oqıǵasy - XIV Búkilqytaılyq halyq ókilderi jınalysynyń ekinshi sessııasy jáne Qytaı Halyqtyq saıası konsýltatıvtik keńesi XIV Ulttyq komıteti jınalysyna qatysty.
Búkilqytaılyq halyq ókilderi jınalysy saıtyndaǵy aqparatqa sáıkes, 60 adamnan turatyn Shyńjań-Uıǵyr avtonomııalyq (ShUAA) ólkesi delegatsııasy 11 ulttyń ókilinen quralǵan. Tiziminde ulty qazaq 5 ókildiń esimi kirgen. Olar: Gulmıra Dáýlet, Ershat Tursynbaı, Sarqyt Aqan, Aıdyn Tolqyn jáne Zoıa Bahyt.
Aıta keterligi, qandasymyz Sarqyt Aqan XIV Búkilqytaılyq halyq ókilderi jınalysynyń ekinshi sessııasy prezıdıýmynyń múshesi bolyp saılandy.
Sondaı-aq, Qytaı Halyqtyq saıası konsýltatıvtik keńesi XIV Ulttyq komıteti jınalysyna qytaılyq qandasymyz Nurlan Abdýlmajın jáne Qadyrbek Qamza qatysyp jatqany belgili boldy.
