Qazaq degen atpen shyqqan Alash Pride sportshysy Azııa chempıony atandy
ASTANA. 20 jeltoqsan. QazAqparat - Alash Pride klýbynyń Qazaq degen atpen tanylǵan sportshysy Qaırat Ahmetov Azııa chempıony tıtýlyn jeńip aldy, dep habarlady Vesti.kz.
Almatyda ótken «Uly maıdan» týrnıriniń baǵdarlamasynda Qazaq Japonııa ókili Vatanabe Tatsýıamen kezdesti. Tabandy kezdesý josparlanǵan úsh raýndqa jalǵasyp, tóreshiler jeńisti qazaqstandyq sportshyǵa berdi.
Osy kezdesýdiń aldynda Alash Pride-tan Arman Ospanov reseılik Evgenıı Lenıchevti utsa, Sheshenstan Respýblıkasynyń sportshysy Lom Alı Medıev Azamat Bahodýrzodýdan basym tústi. Osylaısha Alash Pride pen álem quramasynyń arasyndaǵy kezdesýdiń esebi 7:5-ti kórsetip, alań ıeleriniń paıdasyna sheshildi.
