Qazaq dalasynyń tarıhy jaıynda Qytaıdan 3,5 myń qundy qujattar jetkizildi
ASTANA. 26 qyrkúıek. QazAqparat - «Mádenı mura» memlekettik baǵdarlamasy aıasynda uıymdastyrylǵan ekspedıtsııalar barysynda Qazaqstan ǵalymdary Qytaıdan qazaq dalasynyń tarıhy men mádenıeti jóninde budan buryn zerttelmegen 3,5 myńǵa jýyq biregeı qujattardy alyp keldi.
Bul týraly TMD elderi kitaphanashylarynyń forýmynda atalǵan vedomstvonyń basshysy Darhan Myńbaı aıtty.
Mınıstrdiń aıtýynsha, Qazaqstan tarıhynan syr shertetin qujattyq málimetterdi barsha álemnen jınaqtaýǵa negizdelgen atalǵan baǵdarlamany júzege asyrý merziminde ǵylymı-zertteý ekspedıtsııalary Túrkııa, Monǵolııa, Reseı, Japonııa, Mysyr, AQSh jáne Batys Eýropa elderine bardy.
«QR Ulttyq kitaphanasynyń qory tarıh, óner boıynsha 5 myńnan astam qundy muraǵattyq qujattarmen tolyqty»,-dep túıindedi D. Myńbaı.
