Qazaq-Brıtan tehnıkalyq ýnıversıtetiniń stýdentteri barlyq júldeli oryndardy ıelendi
ALMATY. Qazannyń 22-si. QazAqparat /Nazıra Eleýhan/ - Jyl saıynǵy baǵdarlamalaý boıynsha ACM ICPC (Association for Computing Machinery International Collegiate Programming Contest) álem chempıonatynyń tórtinshi kezeń
oıyndarynyń barlyq júldeli oryndaryn Qazaq-Brıtan tehnıkalyq ýnıversıtetiniń komandasy jeńip aldy, dep habarlaıdy QazAqparat.
Jarys Ál-Farabı atyndaǵy Qazaq Ulttyq ýnıversıtetinde ótti. Qatysýǵa Qazaqstannyń ár aımaǵynan barlyǵy 87 ótinish kelip túsken. Іrikteýden 62 komanda ótti. Joǵary oqý oryndary arasyndaǵy komandalyq esep boıynsha birinshi oryndy Qazaq-Brıtan tehnıkalyq ýnıversıteti, ekinshi oryndy Súleımen Demırel atyndaǵy ýnıversıtet ıelense, úshinshi orynǵa ál-Farabı atyndaǵy Qazaq Ulttyq ýnıversıteti ıe boldy.
Jartylaı fınal jarystary qarasha aıynyń 10-y men 11-i kúnderi aralyqtarynda Sankt-Peterbýrg, Barnaýl, Tashkent qalalarynda ótetin bolady.
