Qazaq bolsam, esimim Paskalbek bolar edi - Son Paskal
ASTANA. QazAqparat - "Qazaq bolsam, esimim Paskalbek nemese Paskaljan bolar edi" - ıtalıandyq ánshi Son Paskal búgin Astanada "Jastar úni" sharasy aıasynda ótken kontsertti osyndaı sózdermen bastady.
Barlyq ánderdi ol tek qazaq tilinde shyrqady. Olardyń qatarynda "Kózimniń qarasy", "Aınalaıyn", "Mahabbat" shyǵarmalary, sonymen qatar ıtalıandyq ánshiniń shyn ómirde qazaq qyzyna ǵashyq bolǵandaǵy aq sezimin bildiretin "Qazaq bolsam" atty óleńi de bar.
Abaıdyń ataqty "Kózimniń qarasyn" halyqpen birge terbep aıtqan Son Paskal, uly qazaq aqynyn álemdik deńgeıdegi rok juldyzǵa teńep, tyńdaýshylarynyń júregin baýrap ta aldy. Paskal shyǵarmashylyǵynyń bir ereksheligi - ol 35 jasqa deıingi aýdıtorııada asa úlken tanymaldylyqqa ıe bolyp otyr. Onyń Youtube-taǵy beınebaıandaryn 1 mıllıonnan astam adam kórgen. Bul kórsetkishter boıynsha, Youtube pen Vkontatkte kórsetkenindeı, ol kóptegen ánshilerdi shań qaptyrady. Sonymen birge merekelik baǵdarlamada Qaırat Baekenov, «Format» toby, Dos, Qulaıym Qaıyrbaeva, trıo «Art-dombyra», «Viva» shoý-baleti men KVN quramasy ónerlerin pash etti.
