Qazaq boksynyń atasy Shoqyr Bóltekuly týraly fılm túsirilip jatyr
ASTANA. QazAqparat - Qazaq boksynyń atasy Shoqyr Bóltekuly bıyl 29 qazanda 100 jasqa keledi. Osyǵan oraı, onyń týǵan óńiri Aqtaý qalasynda bokstan halyqaralyq týrnır ótedi. Jáne atalǵan tulǵanyń qurmetine derekti fılm túsirilip jatyr. Bul týraly osy fılmniń avtory Serik Noıanbaıuly habarlady.
Onyń aıtýynsha, Shoqyr Bóltekulyna arnalǵan derekti fılmniń túsirilim jumystary Almaty qalasy men Mańǵystaý oblysynda júrgizilmek. Jáne, atalǵan fılmdegi epızod kadrlaryna tanymal boksshy Janqosh Turarov túsedi.
«Búkil álem qazaq boksynyń qudiretin biledi. Іri dodadalarda el namysyn abyroımen qorǵap júrgen boksshylarymyz jeterlik. Al olarǵa dańǵyl joldy salyp bergen kim? Árıne, Shoqyr atamyz. Bizdiń maqsatymyz osy nárseni atalǵan derekti fılmde kórsetý»,- deıdi fılm avtory.
Shoqyr Bóltekulyna arnalǵan fılm 29 qazanda jaryqqa shyqpaq.
