«Qazaq boksyna ataqty Sagarra keldi» - respýblıkalyq basylymdarǵa sholý
***
«Egemen Qazaqstan» basylymynyń habarlaýynsha, Qazaqstan Respýblıkasynyń Prezıdenti Nursultan Nazarbaev Qaraǵandy oblysyna jumys saparynyń ekinshi kúninde iske qosylǵan jobalardyń tusaýyn kesti. Elbasy Nursultan Nazarbaevtyń óndiristi aımaqqa jumys saparynyń jalǵasy keshe Qaraǵandynyń janynda bıylǵy jazda irge kótergen aýyl sharýashylyǵyna arnalǵan jeńil ushaqtar shyǵarýdy qolǵa alǵan «Suńqar» JShS zaýytynda bolýdan bastaldy. Ekonomıkalyq áleýettiń kúsheıgendigine naqty aıǵaq retindegi bul iri joba mejelengen merzimde júzege asyrylǵan edi. Sapar barysynda iske asyrylǵan sharalar jóninde «Óńir tynysyndaǵy tyń serpin» atty maqaladan bilesizder.
«Egemen Qazaqstan» basylymynyń búgingi sanynda Memlekettik qyzmet isteri agenttigi Almaty oblysy aýmaqtyq basqarmasynyń bastyǵy, tártiptik keńes tóraǵasy Serikbaı Nurǵısaevtiń «Ótkenge qarap, erteńimizdi kemeldendireıik» atty maqalasy basyldy.
Onyń aıtýynsha, ótken 20 jyldyń ishinde til táýelsizdigin tolyq qalyptastyra almadyq. Óıtkeni, 300 jyl bodandyqta bolǵan kezeńde qazaqtyń baıyrǵy jáne baı tiline degen qajettilik tómendedi. Búginge deıin ana tilimizdiń múmkindigine kúmánmen qarap, ony kúndelikti ómirde paıdalanýǵa «namystanatyn» urpaq ósti. Al til máselesi rýh táýelsizdigimen, sananyń azattyǵymen tikeleı baılanysty. Óz elimizde ómir súre otyryp, ana tilimizde sóılemeýimiz, táýelsizdigimizge kóleńke túsiretin jáıt.
***
«Aıqyn» basylymy búgingi sanynda «Ýılıam ulttyń qundylyǵyn urlady» atty maqala basty. Onda qazaq halqynyń dástúrli baspanasy - kıiz úıge arnalǵan qazaq tilinde birde-bir jeke saıt joq ekendigi aıtylǵan. «Esesine, www.yurinfo.org saıtyn kirip kórińizshi. Qazaqtyń tól baspanasynyń túrlengen keıpiniń mol murasyna kenelesiz. Bul ǵalamtor betiniń ıesi - Garvard ýnıversıtetiniń professory Ýılıam Koperýeıt. Ortalyq Azııa mádenıetimen jetik tanys ol mine, birneshe jyldan beri dóńgelek pishindegi úılerdiń túrli úlgilerin jasap, ár elge satýmen aınalysyp keledi...» dep jazady basylym.
Osy basylymnyń habarlaýynsha, Qazaqstan turǵyndary budan bylaı kommýnaldyq tólemderdi úıilerinde, ıakı keńselerinde otyryp-aq tóleı beredi. Sondaı-aq halyqqa qyzmet kórsetý ortalyqtaryna barmaı turyp, kezegińizdi onlaın rejıminde brondaıdy. Bul týraly keshe «Elektrondy úkimettiń» jańa qyzmetterin tanystyrǵan baspasóz máslıhatynda málim boldy. Baspasóz máslıhatynda kóterilgen «Elektrondy úkimettiń» osy jáne ózge de jańalyqtary tóńireginde «Elektrondy úkimet» jańa qyzmettermen tolyqty» atty maqaladan bilýge bolady.
***
«Alash aınasy» basylymyyń jazýynsha, ótken aptada Bilim jáne ǵylym mınıstri Baqytjan Jumaǵulov ózge mınıstrlerge de úlgi bolarlyq is qyldy. Ol ne deseńiz, qarashanyń 19-y kúni mınıstr Qazaqstannan bir top óner juldyzy bar, býyp-túıgen syı-syıapaty bar - bárin alyp, artynyp-tartynyp, Máskeýge baryp qaıtty. Ondaǵy maqsaty - sol jaqta oqyp jatqan stýdentterimizdiń jaǵdaıymen tanysyp, bilisip qaıtý. Osy sapar barysynda atqarylǵan sharalar men kóterilgen máselelerdi «Alash aınasy» basylymynyń búgingi sanyndaǵy «Balam» deıtin jurt bolmasa, «jurtym» deıtin bala shyqpasyn mınıstrlikter bilse deımiz...» atty maqaladan bilesizder.
Sondaı-aq osy basylymnyń jazýynsha, Kýbanyń ǵana emes, álem boksynyń tarıhyndaǵy eń úzdik, eń ataqty bapker Karlos Alsıdades Sagarranyń Qazaqstanǵa kelýine ne sebep boldy? Otyz eki olımpıada jeńimpazyn shyǵarǵan jattyqtyrýshynyń basqa da usynystardan bas tartyp, Almaty boksshylaryn jattyqtyrýǵa kelisimin beretindeı qazaq eli ǵana nendeı qurmet kórsetti? Mine, búkil álemniń bokssúıer qaýymyna osy suraqtyń jaýaby maza bermeı júr. Bul týraly «Alash aınasynyń» búgingi sanyndaǵy «Qazaq boksyna ataqty Sagarra keldi» atty maqalada baıandalǵan.
***
Keshe Kaspıı teńiziniń quqyqtyq mártebesi týraly Konventsııany daıyndaý jónindegi arnaıy jumys tobynyń 30-shy májilisi ashyldy. Atalmysh sharaǵa Syrtqy ister mınıstri Erjan Qazyhanov qatysty. Májilis barysynda Kaspıı mańyndaǵy memleketter arasynda kelissózder arqyly sheshýge bolmaıtyndaı qarama-qaıshy kózqarastar joq. Syrtqy ister mınıstriniń aıtýynsha, Kaspıı problemasy keshendi kópjaqty máselelerdi qamtıdy. Ol negizinen terrıtorııalyq máselelerge baılanysty. Eger ol sátimen sheshiletin bolsa atalmysh teńiz aımaǵyndaǵy jáne oǵan jaqyn elderdiń arasynda ekonomıkanyń mańyzdy salalary boıynsha eikjaqty yntymaqtastyqty jetildirýge jeteleıtin perspektıvalar ashylmaq. Osy májiliste kóterilgen máseleler «Kazahstanskaıa pravda» basylymynyń betinde «Na povestke - statýs Kaspııa» atty maqalada qozǵalǵan.
