Qazaq boksyna 84 jyl: Chempıondar Astanada bas qosty
ASTANA. QazAqparat - Qazaq boksyna 84 jyl tolýyna oraı Astanadaǵy «Kerýen» saýda oıyn-saýyq ortalyǵynda iri shara ótti. Onda gúrzi judyryqty ári «juldyzdy» boksshylar jankúıerlerimen kezdesti, dep habarlaıdy «QazAqparat» HAA tilshisi.
«Kerýenniń» ishi búgin keremet kóńil-kúıge tolyp, Boks kúni este qalarlyq erekshe formatta atalyp ótti. QR Boks federatsııasy sharaǵa qazaq boksshysyń juldyzdary Serik Sápıev, Danııar Eleýsinov, Vasılıı Levıt pen kúrestiń chempıony Gúzál Manıýrovany arnaıy shaqyrǵan eken. Shara barysynda qazaq estradasynda óz orny bar Júginisovter otbasy án shyrqap, kóptiń kóńilin kóterdi.
«Jazǵy olımpıada oıyndary men Álem chempıonattarynyń tarıhynda Qazaqstandaı Azııada kóp júldege ıe bolǵan memleket joq. Biz Azııada bokstan kóshbasshymyz. Memleket basshysy Nursultan Nazarbaevtyń arqasynda bıik shyńdardy baǵyndyryp kelemiz. Elbasy sportqa kóp kóńil bóledi. Biraq, bul jeńisterge Sizdersiz jetpes edik. Sizder bizge zor shabyt beresizder. Barlyqtaryńyzǵa zor alǵysymdy bildiremin», - dedi London Olımpıadasynyń chempıony, Parlament Májilisiniń depýtaty Serik Sápıev.
Jankúıerlerge Danııar Eleýsinov, Vasılıı Levıt pen kúresten Olımpıada júldegeri Gúzel Manıýrova da izgi tilegin bildirdi. Shara sońynda kópshilik sport sańlaqtarymen fotosýretke túsý múmkindigine ıe boldy.
