Qazaq boksshysynyń qarsylasyn bapkeri ortaǵa oramal laqtyryp qutqaryp qaldy
ASTANA. QazAqparat - Qazaqstandyq kásipqoı boksshy Rýslan Mádıev kezekti aıqasynda (9-0, 3 KO) ekinshi raýndta jeńiske jetti, dep habarlaıdy QazAqparat tilshisi.
Ol Amerıkanyń Kalıfornııa qalasynda jergilikti boksshy Evıntsı Dıksonmen (7-12-2, 2 KO) judyryqtasyp, ekinshi raýndta jeńiske jetti.
Alty raýndqa josparlanǵan jekpe-jek bar joǵy eki raýndta máresine jetti. Qazaqstandyq boksshynyń jýan judyryǵynan ońbaı taıaq jegen Evıntsı Dıksony jattyqtyrýshylary sharshy alańǵa oramal laqtyryp, qutqaryp aldy.
Bul Rýslan Mádıevtiń kásipqoı bokstaǵy toǵyzynshy jeńisi. Onyń tórteýin ýaqytynan buryn aıaqtaǵan.
