Qazaq boksshysy WBO chempıony ataǵy úshin ózbek boksshysymen judyryqtasady

NUR-SULTAN. QazAqparat-25 naýryzda Almatyda ótetin MTK Fight Night boks keshinde qazaqstandyq boksshy Nurdos Tólebaı (8-0, 6 KO) rıngide baq synaıdy, dep habarlaıdy QazAqparat Sports.kz saıtyna silteme jasap.

Ol Ózbekstan ókili Býrgýt Hodjıbaevpen (8-3, 3 KO) kezdesedi. Uıymdastyrýshylardyń baspasóz qyzmetiniń habarlaýynsha, jekpe-jekte jartylaı orta salmaqta WBO tujyrymy boıynsha «jastar» álem chempıony ataǵy úshin judyryqtasady.

Keshtiń basty jekpe-jegi Qamshybek Qońqabaev (4-0, 3 KO) pen tájirıbeli ońtústik afrıkalyq Djonnı Mıýller (23-2, 14 KO) arasyndaǵy kezdesý bolmaq. Qarsylastar qazaqstandyqqa tıesili birinshi aýyr salmaqta WBA Gold belbeýi úshin judyryqtasady.