Qazaq boksshysy Nurzat Sabyrov qarsylasyn nokaýtqa túsirdi
ASTANA. QazAqparat - Jartylaı aýyr salmaqtaǵy qazaq boksshysy Nurzat Sabyrov kásipqoı rıngtegi besinshi jeńisine qol jetkizdi, dep habarlaıdy «SPORTINFORM» SAA.
Kanadanyń Kvebek qalasynda ótken boks keshinde Nurzat Sabyrov chehııalyq Stanıslav Eshnermen qolǵap túıistirdi. Jartylaı aýyr salmaqtaǵy qos boksshynyń jekpe-jegi 6 raýndqa josparlanǵan bolatyn. Tórtinshi raýndta Nurzat óz qarsylasyn tehnıkalyq nokaýtqa jiberdi.
Aıta keteıik, Nurzat Sabyrov kásipqoı rıngte osymen besinshi jekpe-jegin ótkizip, beseýinde de qarsylastaryn nokaýtpen jeńdi. Al óz karerasynda segiz kezdesý ótkizip, bárinde jeńgen Stanıslav Eshner toǵyzynshy kezdesýinde qazaq boksshysynan nokaýt aldy.
Foto: SPORTINFORM
