Qazaq boksshysy Qytaı ulttyq quramasyna qabyldandy
Bul týraly Qytaıdaǵy kazakh.people.com portaly málim etti.
Atalǵan basylymnyń deregine súıensek, bokstan Qytaıdyń ulttyq quramasyna Shyńjań avtonomııalyq ólkesinen eki boksshyǵa shaqyrtý kelip túsken. Sonyń biri bizdiń qandasymyz - Toqtarbek Tańathanuly.
Tańathanuly qazir Qytaıdyń ishki birinshilikterinde 75 keli salmaqta synǵa túsip júr. Ol osy jyly óz salmaǵynda Qytaı birinshiliginde top jaryp, chempıon atanǵan bolatyn. Qazaq boksshysynyń bolashaǵynan zor úmit kútken bapkerler qandasymyzdy osy jyly Indonezııanyń astanasy Djakarta qalasynda ótetin Jazǵy Azııa oıyndaryna aparyp, baǵyn synamaq nıette.
Esterińizge sala keteıik, Toqtarbek Tańathanuly 2018 jyly qańtar aıynda 2017 jylǵy qytaıdyń «Boks koroli» chempıonatynda qarsylas shaq keltirmeı, «korol» chempıondyq beldigin ıemdengen bolatyn.
