Qazaq boksshysy kásibı sporttaǵy alǵashqy jekpe-jegin nokaýtpen bastady
ASTANA. QazAqparat - Búgin AQSh-tyń Sharlott qalasynda Qazaqstannyń taǵy bir boksshysy kásibı bokstaǵy alǵashqy jekpe-jegin sátti bastady, dep xabarlaıdy QazAqparat tilshisi «Qazaqstannyń kásibı boksy» áleýmettik jelisindegi paraqshasyna silteme jasap.
Ekinshi orta salmaqta (76,2 keli) el namysyn qorǵaýǵa bel býǵan Edil Qojamberdıev tórt raýndtyq kezdesýdi ótkizdi. Alaıda bul jekpe-jekke ekinshi raýndqa da jetken joq. Edil Qojamberdıev birinshi raýndta óz qarsylasyn nokaýtqa túsirdi. Oǵan qarsy amerıkalyq Kavarıýs Haskıns shyqqan bolatyn. Osylaısha, Qazaqstannyń taǵy bir boksshysy kásibı bokstaǵy alǵashqy jekpe-jegin sátti bastap otyr.
Aıta keteıik, buǵan deıin jartylaı orta salmaqta Dáýlet Dáýkenov reseılik boksshy Axmatbek Abdýllaevty jeńip, kásibı bokstaǵy mansabyn sátti bastaǵan bolatyn.
