Qazaq boksshylarynyń eń aýyr jeńilisteri
ASTANA. 3 qarasha. QazAqparat - Almatyda ótken bokstan álem chempıonatynda Qazaqstan boksshysy Ivan Dychkonyń aýyr jeńilisi bizge aýyr tıdi. Jankúıer júregine aýyr tıgen jeńilister bizdiń boks tarıhynda az emes. «Alaman» nazarlaryńyzǵa qazaqstandyq boksshylardyń iri týrnırlerdegi aýyr jeńilisterin eske aldy.
1994 jyl. Azııa oıyndary. Hırosıma (Japonııa)
Vasılıı Jırov shırek fınalda kútpegen jerden koreıalyq Ko-Iong Sýmnan utylyp, jarysty aıaqtady. Bolat Nııazymbetov te jartylaı fınalda pákistandyq Ýsman Ýlah Khanǵa jol berdi.
1998 jyl. Azııa oıyndary. Bangkok.
Maraz Mázimbaev jartylaı fınalda ózbek Tımýr Týlıakovtan utyldy.
1999 jyl. Álem chempıonaty (Hıýston)
Muhtarhan Dildábekov álemdik synnyń fınalyna shyǵyp, sol jerde túrik Sınan Samım Sannan jeńildi.
2000 jyl. Olımpıada oıyndary. Sıdneı
Eki ret álem chempıonatynyń fınalynda utylǵan Bolat Jumádilov ókinishke oraı Sıdneıde de kúmisti qanaǵat tutty.
2006 jyl. Doha (Katar). Azııa oıyndary.
Asa aýyr salmaq Muhtarhan Dildábekov Azıada fınalynda ózbek Rýstam Saıdovtan utylyp, kúmis medaldy qanaǵat tutty. Muhtarhan ózbekten 2002 jylǵy Azııa oıyndarynyń fınalynda da jeńilip qalǵan edi. Muhtarhannyń Saıdovtan eki Azıada fınalynda jeńilýi qazaq jankúıerlerine soqqy bolǵany anyq.
2009 jyl. Álem chempıonaty. Mılan (Italııa)
48 kelidegi úmitimiz Ádilet Qapezov amerıkalyq Mıgýel Kartagenadan 28:4 esebimen utylyp, birinshi aınalymnan keıin jarysty aıaqtady. Osy synda eki dúrkin álem chempıony Serik Sápıevtiń jartylaı fınalda reseılik Zamkovoıdan utylǵany da jankúıer jadynda.
2010 jyl. Gýanjoý. Azııa oıyndary.
56 kelide Danııar Tólegenov Býtan eliniń boksshysy Sıgýeıl Phýbtan kútpegen jerden utylyp, jarystan shyǵyp qaldy. Osy jeńilisten keıin Danııar ioi halyqaralyq týrnırlerge qatysqan joq.
2011 jyl. Baký. Álem chempıonaty.
69 kelide fınalǵa shyqqan Serik Sápıevtiń Taras Shelestıýkten jeńilýi boksshynyń ózine de, jankúıerlerine de aýyr tıdi.
2013 jyl. Amman. Azııa oıyndary.
Londonda kúmis alǵan Ádilbek Nııazymbetov Azııa chempıonatynyń fınalynda ózbek Oıbek Mamazýlýnovtan utylyp, kúmis aldy. Ol jeńiske jetkende Azııa birinshiliginen segiz altyn alar edik.
2013 jyl. Almaty. Álem chempıonaty.
Ivan Dychko fınalda ázirbaıjandyq Mogamedrasýl Medjıdovtan nokdaýn alyp, esinen tanyp qaldy.
