Qazaq boksshylary Ulybrıtanııa quramasynan basym tústi
ASTANA. QazAqparat - Astanada bokstan tórt el qurama komandalarynyń matchtyq kezdesýleri ótýde.
Keshe, 16 aqpan kúni bastalǵan dodada Ózbekstan quramasy Reseı boksshylarynan 6:4 esebimen basym tústi. Qazaqstan Ulybrıtanııa quramasyn 8:2 esebimen oısyrata jeńdi.
Búgin, 17 aqpanda elordalyq rıngke Ulybrıtanııa men Reseı boksshylary shyǵady. Al saǵat 17.00-de Reseı men Qazaqstan ózara básekede myqtyny anyqtaıdy.
18 aqpanda quramalar demalady. 19 aqpan kúni saǵat 14.00-de Ulybrıtanııa men Ózbekstan judyryqtasady, 17.00-de Qazaqstan men Reseı boksshylary kezdesedi.
Úlken tanymaldylyqqa ıe bolǵan jarys bıyl osymen tórtinshi jyl ótkizilip jatyr. Týrnırge brıtanııalyq boksshylar alǵash ret qatysýda. Munyń aldynda komandalyq kezdesýlerge ár jyldary Ázirbaıjan, Úndistan, Reseı, Ózbekstan, Ýkraına jáne Frantsııa quramalary kelip, ózara baq synasqan bolatyn.
Atalmysh matchtyq kezdesýler 19 aqpanǵa deıin jalǵasady. Boks súıer qaýym ony «Jastar» saraıynda nemese Qazaqstannyń boks federatsııasynyń saıtynan onlaın rejımde tamashalaı alady.
