Qazaq boksshylary Máskeýde qarsylastaryn nokaýtqa jiberdi

NUR-SULTAN. QazAqparat – Qazaqstandyq kásipqoı boksshylar Asan Raıymbek pen Ǵalym Shaǵataı Máskeýdegi boks keshinde reseılik qarsylastaryn nokaýtqa jiberdi, dep habarlaıdy QazAqparat tilshisi.

«Qazaqstan kásipqoı boksy» VKontakte paraqshasynda málim etkendeı, @Tukeshov_Boxing kompanııasynyń atynan shyqqan Asan Raıymbek jergilikti boksshy Dmıtrıı Rahmanovqa qarsy aıqas ótkizgen. Birinshi raýndtyń úshinshi mınýtynda-aq qazaqstandyq qarsylasyn nogdaýnǵa jibergen. Raýnd sońynda reseılik jekpe-jekti jalǵastyrýdan bas tartty.

Osylaısha, Asan Raıymbek kásipqoı boks karerasynda ekinshi márte merziminen buryn jeńiske jetip otyr.

Al Ǵalym Shaǵataı Máskeýde bul joly kásipqoı rıngte tórtinshi kezdesýin ótkizdi. Qazaq boksshysy reseılik Aleksandr Saltykovty uzaqqa aparǵan joq. Ekinshi raýndta nokaýtqa jiberdi. Osylaısha, Ǵalym birinshi jartylaı orta salmaqta ProBox nusqasy boıynsha TMD chempıony tıtýlyn jeńip aldy.

Aıta keteıik, @Tukeshov_Boxing promoýterlik kompanııasy Ǵalym Shaǵataıǵa úlken úmit artyp otyr. Qazirdiń ózinde kompanııa boksshyny aımaqtyq WBC beldigi úshin aıqasqa shyǵarý úshin kelissóz júrgizýde.