Qazaq boksshylary Germanııa jáne AQSh quramasymen birge jattyǵýda
ASTANA. QazAqparat - Almaty oblysyndaǵy Búkilálemdik boks akademııasynda Qazaqstan, Germanııa jáne AQSh qurama komandalarynyń birlesken oqý-jattyǵý jıyny ótýde, dep habarlaıdy QazAqparat.
QR Boks federatsııasy málimetterine sáıkes, jattyǵýǵa Germanııadan - 26, al Amerıkadan 14 boksshy qatysýda.
«Qazaqstan komandasy úshin bul 2017 jylǵy ekinshi oqý-jattyǵý jıyny. Jıynǵa tehnıka men taktıkany jetildirýge basymdyq beriledi. Sportshylar juptasyp jattyǵýda jáne taıaý ýaqytta sparrıngter bastalady. GFR men AQSh boksshylary Qazaqstanǵa jyl saıyn keledi», - dep atap ótken federatsııadan.
Aıta keterligi, bıyl qazaq boksshylary eki iri týrnırge qatysady. Onyń biri 30 sáýir men 7 mamyr aralyǵynda Tashkentte ótetin Azııa chempıonaty bolsa, ekinshisi 25 tamyz ben 4 qyrkúıek aralyǵynda Germanııanyń Gambýr qalasynda bolatyn álem chempıonaty.
