Qazaq boksshylary Felıks Shtamm atyndaǵy týrnırde baq synap jatyr
ASTANA. QazAqparat - Polsha eliniń astanasy Varshavada bokstan Felıks Shtamm atyndaǵy halyqaralyq týrnır ótip jatyr, dep habarlaıdy QazAqparat.
Boks federatsııasynyń baspasóz qyzmeti taratqan málimetterge súıensek, jarystyń alǵashqy kúni sharshy alańǵa 4 qazaqstandyq boksshy shyǵyp, ekeýi qarsylastaryna ese jiberip jarysty aıaqtasa, ekeýi qarsylastarynyń osal tusyn taýyp, kelesi aınalymǵa ótti.
Aıtalyq, Aslanbek Shymbergenov (69 kg) alǵashqy kezdesýinde polıak boksshysy Maksımılıan Gıbadlony aıqyn basymdyqpen utsa, 56 keli salmaqta synǵa túsken Іlııas Súleımenov túrikmen boksshysy ıAkýb Meredovtan aılasyn asyrdy.
Al 52 keli salmaqta Azamat Isaqulov ızraıldik Davıd Alaverdıanǵa (2:3) jol berse, 60 keli salmaqta Berik Ábdirahmanov reseılik boksshy Artýr Sýbhankýlovqa ese jiberdi.
Endi, búgin kúndizgi sessııada (saǵat 16:00) Bekdáýlet Ibragımov (64 kg) alǵashqy kezdesýine shyǵady. Keshki sessııada (22:00) Erjan Jomart (49 kg), Іlııas Súleımenov (56 kg) pen Aıboldy Dáýrenuly (+91 kg) sharshy alańǵa shyǵady.
Erteń Abaı Tólesh (75 kg), Ádilbek Nııazymbetov (81 kg) pen Anton Pınchýk (91 kg) alǵashqy jekpe-jekterin ótkizedi. Jarys 16 naýryzǵa deıin jalǵasady.
Foto: www.kfb.kz
