Qazaq boksshylary «Chemistry Cup» týrırine qatysyp jatyr
ASTANA. QazAqparat - Bokstan Qazaqstan ulttyq quramasy Germanııanyń Galle qalasynda «Chemistry Cup» týrırine qatysyp jatyr, dep habarlaıdy QazAqparat tilshisi.
«Kishi álem chempıonaty» sanalatyn Galledegi halyqaralyq týrnırde álemniń 14 elinen 74 boksshy qatysýda. Onyń 10-y Myrzaǵalı Aıtjanov jattyqtyratyn qazaq boksshylary.
Týrnırdiń alǵashqy kezdesýinde Qaırat Eralıev ýkraınalyq Vladıslav Vetochkınnen aılasyn asyrsa, 69 kelige deıingi salmaqta Abylaıhan Júsipov nıderland boksshysy Djeıms Delanony, Ábilhan Amanqul nemis boksshysy Artýr Oganıandy aıqyn basymdylyqpen jeńdi.
Al búgin «Chemistry Cup» týrnırinde taǵy úsh boksshymyz sharshy alańǵa shyǵady. 64 kelige deıingi salmaqta Bekdáýlet Ibragımov monakolyq boksshy Mıkallef Hýgomen jolyǵady. 81 kelige deıingi salmaqta Ádilbek Nııazymbetov nemis boksshysy Abdýlrahman Abý-Lıýdbehpen judyryqtasady. Al 91 keliden joǵary salmaqta Qamshybek Qonqabaev 1/8 kezdesýlerde AQSh boksshysy Solomon Nıkosımen qolǵap túıistiredi.
