Qazaq boksshylary ÁCh-nyń fınalynda kimdermen kezdesedi
ASTANA. QazAqparat - Germanııa eliniń Gambýrg qalasynda bokstan ótip jatqan álem chempıonatynda óz salmaqtarynda altyn medal úshin talasatyn qazaqstandyq boksshylar Qaırat Eralıev pen Ábilhan Amanquldyń fınaldaǵy qarsylastary belgili boldy, dep habarlaıdy «QazAqparat» HAA tilshisi.
Qaırat Eralıevtiń qarsylasy amerıkalyq Dıýk Ragan bolmaq. Ol jartylaı fınalda úndistandyq Gaýrava Býdhýrıdi 5:0 esebimen tize búktirgen bolatyn. Al Qaırat óz kezeginde aǵylshyn boksshysy Pıter Makgreıldi utqan edi.
Al 75 kelige deıingi salmaqta aqtyq saıysqa joldama alǵan Ábilhan Amanqul ýkraındyq boksshysy Aleksandr Hıjnıakpen qolǵap túıistiredi. Ol buǵan deıin amerıkalyq Troıa Aıslıdi 4:1 esebimen jeńdi.
