Qazaq boksshylary Strandja týrnırinen taǵy 1 altyn 3 kúmis medal jeńip aldy
ASTANA. KAZINFORM - Bolgarııa astanasynda ótip jatqan bokstan halyqaralyq «Strandja kýbogynda» qazaq boksshylary taǵy 1 altyn 3 kúmis medal jeńip aldy.
Naqtyraq aıtsaq, erler arasynda 71 keli salmaqta qos birdeı qazaqstandyq boksshy fınalda altyn júldeni sarapqa saldy. Atalǵan salmaq dárejesinde Abylaıhan Júsipov pen Farýh Toqtasynov ózara myqtyny anyqtady. Nátıjesinde Abylaıhan jeńiske jetip chempıon atansa, Toqtasynov kúmis júldeni qanjyǵasyna baılady.
Sonymen qatar, erler arasynda 80 keli salmaqta taǵy bir otandasymyz Erasyl Jaqpekov Ózbekstan boksshysy Fazlıddın Erkinboevpen altyn medaldi sarapqa salyp, ókinishke qaraı tóreshiler sheshimimen qarsylasyna jol berdi.
Esterińizge sala keteıik, osyǵan deıin Tórehan Sabyrhan men Ertýǵan Zeınýllınov «Strandja-2025» týrnıriniń chempıony atandy.
Sondaı-aq, taǵy eki boksshymyz kúmis júldegen qol jetkizdi.
Al áıelder boksynan otandastarymyz 1 altyn, 6 kúmis, 8 qola medal jeńip aldy.
