Qazaq batyrlary álem myqtylaryn tize búktirdi
ASTANA. 21 jeltoqsan. QazAqparat - Almatynyń Balýan Sholaq atyndaǵy sport saraıynda aralas jekpe-jekten «Uly maıdan» atty tóbelester keshi ótip, qazaq batyrlary álem myqtylaryn tize búktirdi. Jalpy esep - 7:5.
Bul - osyndaı joǵary deńgeıdegi ekinshi kezdesý. Birinshisi kóktemde ótip, 5:5 esebimen aıaqtalǵan bolatyn.
Ókinishke qaraı, keshtiń basty jekpe-jekteriniń biri bolýy tıis Erjan Estanov pen Rasýl Myrzaev arasyndaǵy aıqas ótpeı qaldy. Reseılik sportshy áleýmettik jeliler arqyly jankúıerlerge beınerolıgin joldap, jekpe-jekke qatysa almaǵany úshin keshirim surady.
Jalpy, kórermender barlyǵy 12 aıqastyń kýási bolyp, sonyń jeteýi jerlesterimizdiń jeńisimen aıaqtaldy, dep habarlady alasharena.kz.
«Uly maıdan» nátıjeleri:
57 keli: Qaırat Ahmetov - Tatsýe Vanatabe (Japonııa)
61 keli: Asylan Toqtarbaev - Kevın Krým (AQSh)
66 keli: Arman Ospanov - Evgenıı Lenıchev (Reseı)
68 keli: Erjan Estanov - Aslan Shaov (Sheshenstan)
70 keli: Sırojıddın Eshanbaev - Saıd-Hamzat Avhadov (Sheshenstan)
75 keli: Hrıstas Mýratıdı - Loık Radjabov (Tájikstan)
75 keli: Aqtilek Jumabekuly - Azız Abdýlvahabov (Sheshenstan)
78 keli: Mahır Mamedov - Magomed Nurov (Reseı)
84 keli: Igor Svırıd - Rashıd Álıev (Daǵystan)
84 keli: Ádil Boranbaev - Danııar Babaqulov (Qyrǵyzstan)
93 keli: Qylyshbek Sarqarbaev - Olım Eldjanov (Tájikstan)
105 keli: Azamat Bahodýrzada - Lom Alı Medıev (Sheshenstan)
