Qazaq baspasy halyqaralyq "Sapa dáýiri" júldesine ıe boldy
ALMATY. 29 qańtar. QazAqparat /Názıra Eleýhan/- «Balalar ádebıeti» baspasy «International Quality Convention» halyqaralyq konventsııanyń «Sapa dáýiri» altyn júldesimen marapattaldy.
Bul týraly elimizdiń belgili jazýshysy Sháken Kúmisbaıuly QazAqparat tilshisine bergen suhbatynda aıtty.
«Bul júlde sapa mádenıetin álemge endirý maqsatynda 1986 jyldan beri berilip kele jatqan syılyq. Baıqaýǵa 118 memlekettiń kompanııalary, bıznes uıymdary men mekemeleri qatysty. Solardyń ishinen qazaqstandyq baspa júldege iligip otyr. Baspanyń dırektory Shaızada Baıkenova. Bul sóz joq biz úshin úlken tabys. Biz bul marapatty kók týy jelbiregen jas memlekettiń kitapty sapaly shyǵarý salasyndaǵy úlken sapa jetistigi deýimiz kerek»,-dedi Sháken Kúmisbaıuly.
Onyń aıtýynsha júldeniń tabystaý rásimi aǵymdaǵy jyly 7 naýryz kúni Shveıtsarııanyń Jeneva qalasynda ótedi.
