Qazaq baspasózi taǵy bir qoǵamdyq-saıası aptalyq gazetpen tolyqty

20 000 danamen shyǵatyn «ULT TIMES» qoǵamdyq-saıası gazetiniń bas redaktory belgili jýrnalıst Amangeldi Qııas.

Gazet betindegi qosymsha aıdarlardyń qos sózderden quralýy gazettiń ózindik ereksheligin aıqyndaıdy. Basylymnyń alǵashqy sanyna «Jaı-japsar» aıdarymen «Abaıǵa ásire áspettiń qajeti joq», «Qadir-qasıet» aıdarynda «Ájelerimiz áý dese, álem-jálemderiń ádire qalady», «Qym-qýyt» aıdarynda «Qazaq býrjýazııasy», «Búge-shige» aıdarynda «Ókpesi qysylǵan Almaty», «Ál-aýqat» aıdarynda «Qarjy daǵdarysy-2: Másimov Úkimeti neni eskerýi kerek?» atty maqalalar jaryq kórgen.

«Naqpa-naq», «Áńgime-dúken», «Qym-qýyt», «Ál-aýqat», «Taǵdyr-taýqymet», «Túp-tuqııan», «El-jurt», «Salt-sana», «Jaıma-shýaq»  syndy gazettegi bet ataýlary qoǵamnyń túıtkildi máselelerin kóterýdi maqsat tutady.