Qazaq balýany altyn aldy
ASTANA. 25 qarasha. QazAqparat - Bakýde ótip jatqan «Golden Gran Prı» týrnırinde 55 kelide beldesken qazaq balýany Nursultan Qalmurzaev chempıon atandy.
Ol shırek fınalda kilem ıesi Sakıt Gýlıevti jeńse, jartylaı fınalda taǵy bir qazaq balýany Janserik Sársembıevti utty. Al fınalda ázirbaıjandyq balýan Orhan Ahmedovpen 3:3 esebimen teń túsken. Tóreshiler qaýymy belsendi kúresken Nursultandy jeńimpaz dep tanydy.
Qola júldeger qatarynda Janserik Sársembıev te bar. Ol qola júlde úshin kúreste japon balýanyn jeńdi, dep habarlady alasharena.kz.
