Qazaq balýandary Tashkentte ótip jatqan Azııa chempıonatynda taǵy eki medaldi jeńip aldy

Buryn habarlaǵanymyzdaı, Tashkentte grek-rım, erkin kúres jáne qyzdar kúresinen Azııa chempıonaty ótip jatyr. Bul jarystarǵa qurlyqtyń 22 elinen balýandar jınaldy.

Jarystyń ekinshi kúninde Qazaqstan sportshylary Dáýlet Shabanbaı (96 kg salmaqqa deıngi) men Aıym Ábdildına (55 kg salmaqqa deıin) qola júldege ıe boldy. Qazaqstan quramasynyń ókilderi Gúlmıra Ysqaqova (51 kg salmaqqa deıngi), Elonora Ábýtálipova (48 kg salmaqqa deıingi) jáne Ashat Qusepov (120 kg salmaqqa deıngi) ókinishke oraı qarsylastarynan jeńilis tapty.

Jarystardyń eki kúngi nátıjesi boıynsha erkin kúresten komandalyq esepte Ózbekstan birinshi, Iran ekinshi, Mońǵoloııa úshinshi, Qazaqstan tórtinshi oryndarda kele jatyr.

Senbi, 21 mamyr kúni chempıonatta 59,63,72 kg salmaqqa deıingi qyzdar, sondaı-aq 55,60 kg salmaqqa deıingi greýk-rım kúresiniń ókilderi boz kilemge shyǵady.