Qazaq balýandary segiz komanda qatysqan Álem kýbogynda 7-oryn aldy
ASTANA. QazAqparat - Irannyń Abadan qalasynda ótken grek-rım kúresinen álem kýbogy óz máresine jetti, dep habarlaıdy QazAqparat tilshisi.
Atalmysh dodada Qazaqstan quramasy segiz komandanyń ishinen tek jetinshi oryndy qanaǵat tutty. Jarystyń birinshi raýndynda jerlesterimiz Reseı balýandarynan oısyraı utylsa, ekinshi jáne úshinshi raýndtarda Iran men Germanııa balýandarynan da aılasyn asyra almady.
Nátıjesinde, otandastarymyz «B» tobynda sońǵy oryn alǵan Belarýs memleketiniń boz kilem sheberlerimen 7-8-shi oryndar úshin kúsh synasyp, jetinshi oryndy qanaǵat tutty.
