Qazaq balýandary álem chempıonatyn jeńispen bastady
NUR-SULTAN. QazAqparat - Búgin kúres túrlerinen elorda tórinde alaýy tutanǵan álem chempıonatynda qazaq balýandary alǵashqy beldesýlerin jeńispen bastady, dep habarlaıdy QazAqparat tilshisi.
Osyǵan deıin jarystyń alǵashqy kúni 55, 63, 72 jáne 82 keli salmaqtaǵy balýandar kilemge shyǵatynyn jazǵan bolatynbyz.
Qazaq balýandarynyń arasynan alǵash bolyp kilemge shyqqan 72 kelidegi Demeý Jadyraev birinshi beldesýinde qarsylasyn 9:0 esebimen jeńip, kezdesýdi merziminen buryn aıaqtady. Alaıda Demeý Jadraev 2-shi kezdesýinde germanııalyq qarsylasyna 4:3 esebimen ese jiberdi. 63 kelide baq synaıtyn Almat Kebispaev alǵashqy kezdesýde Úndistandyq qarsylasyn jeńip, kelesi aınalymǵa ótti.
Kúres túrlerinen Álem chempıonatynda grek-rım kúresinen 82 kg salmaqta el namysyn qorǵaǵan Maqsat Erejepov 2-shi kezdesýinde belarýstik qarsylasyn (Vıktar Sasýnovskıı) 2:1 esebimen jeńdi. Endi 55 kelide Qorlan Jaqansha synǵa túsedi.
Aıta keteıik, álem chempıonatyna 104 memleketten myńnan astam balýan synǵa túsedi. olardyń qatarynda 60 olımpıada oıyndarynyń chempıondary men júldegerleri bar. Álem chempınatyn Qazsport telearnasy tikeleı efırde kórsetip jatyr.
Foto:olympic.kz
