Qazaq balýandary álem chempıonatynan taǵy eki medal aldy
AMMAN. KAZINFORM — Iordanııanyń Amman qalasynda ótip jatqan kúres túrlerinen 17 jasqa deıingi sportshylar arasyndaǵy álem chempıonatynda qazaqstandyq balýandar Edige Qasymbek pen Baqdáýlet Ákimjan úzdikter qatarynan kórindi.
Erkin kúresten 65 keli salmaqta synǵa túsken Baqdáýlet Ákimjan kishi fınalda grýzııalyq balýannan basym tústi.
Bul — atalǵan synda erkin kúres sheberleri jeńip alǵan alǵashqy júlde.
Grek-rım kúresiniń ókilderi 2 kúmis, áıelder kúresiniń ókilderi 3 qola medal enshilegen bolatyn.
Al Edige Qasymbek 17 jasqa deıingi balýandar arasyndaǵy álem chempıonatynyń kúmis júldegeri atandy.
Erkin kúresten 110 keli salmaqta baq synaǵan Edige fınalda amerıkalyq sportshyǵa ese jiberdi.
Eske salsaq, buǵan deıin Iordanııa astanasy Amman qalasynda 17 jasqa deıingiler arasynda ótip jatqan álem chempıonatynda Qazaqstan quramasy qos qola medalge qol jetkizgenin jazǵan edik.
Keıinnen erkin kúres sheberleri álem chempıonatynyń jartylaı fınalyna shyqty.
Aıta ketelik, ázirge Qazaqstan qorjynynda 6 júlde bar.
