Qazaq balasy «Zenıt» sapynda halyqaralyq týrnırde dop tebedi
ASTANA. QazAqparat - Qazaqtyń jas fýtbolshysy Erkebulan Seıdahmet Reseıdiń «Zenıt» jastar fýtbol klýby sapynda Italııada ótetin «Viareggio Cup» halyqaralyq týrnırinde dop tebedi, dep habarlaıdy QazAqparat tilshisi.
Bul týraly reseılik komandanyń resmı saıty jazdy.
21 jasqa deıingi fýtbolshylar arasyndaǵy halyqaralyq jarysqa Italııa, Nıderland, Kanada, AQSh, Brazılııa, Argentına, Nıgerııa, Chehııa, Grekııa, Kongo, Belgııa, Horvatııa, Reseı jáne Kolýmbııa elderinen 40-qa jýyq komanda qatysady.
Toptyq kezeńde «Zenıt» jastary birinshi oıyndy búgin «Empolı» (Italııa) komandasyna qarsy ótkizbek. Araǵa eki kún salyp, «Askolı» (Italııa) fýtbol klýbynyń jastarymen oınaıdy. Al 18 naýryzda AQSh-tyń «Atletık ıÝnıon» komandasymen kezdesedi. Jarystyń pleı-off kezeńinde topta birinshi oryn alǵan komandalar men ekinshi oryn alǵan úzdik alty komanda jarysty jalǵastyrady.
17 jastaǵy Erkebulan Seıdahmet Sankt-Peterbýrgte ótken «Granatkın Memorıaly» týrnırinen keıin «Zenıt» jastar quramyna shaqyrtylǵan bolatyn.
