Qazaq balalary aqparatty óte tómen mólsherde paıdalanyp otyr - M.Ábenov
ALMATY. 20 shilde. QazAqparat /Ádilet Musahaev/ - Sońǵy kezde baıqaǵanymyz, vıkıpedııada qazaqsha materıal orys tiline qaraǵanda 100 ese az,
bul qazaq balalarynyń aqparatty óte tómen mólsherde paıdalanyp jatqandyǵyn kórsetedi. Bul jaıynda búgin Májilis depýtaty Murat Ábenov Almatyda ótip jatqan «Internettegi qazaq tilin damytý joldary» taqyrybyndaǵy dóńgelek ústel barysynda aıtty.
Sondaı-aq ol bizde qazaq tilinde saıt jasaıtyn arnaıy baǵdarlama, qazaq tilindegi túsindirmesi bar baǵdarlamalar, dızaınerlerge arnalǵan qazaq tilindegi shrıfter jetispeı jatatyndyǵyn aıtyp ótti. «Sondyqtan keıbir veb-dızaınerler qazaqsha saıttardy jasaýǵa kóp aqsha suraıdy. Búgingi kúni sondaı-aq latyn tiline ótý máselesi de kún tártibinde tur. Ókinishke oraı aıpat sekildi uıaly baılanys túriniń qyzmetterinde qazaq tilindegi shrıfter joq», -deıdi depýtat.
Ol sonymen qatar termınologııalyq sózdikter máselesin memlekettik deńgeıde sheshiledi dep aıtyp qana qoımaı, óz tarapymyzdan úlesimizdi qosyp, áreket etýimiz qajet ekendigin jetkizid.
«Máselen sońǵy kezde gýgol, vıkıpedııa, memlekettik til baǵdarlamasy tóńiregindegi jáne ınternettegi avtorlyq quqyqqa baılanysty kóterilgen máselelerdiń barlyǵy osy qazaq ınternetin damytýǵa baǵyttalǵan ister», -deıdi M.Ábenov.
