Qazaq ájelerdiń óneri qytaılyq kórermenderdi tamsandyrdy
ASTANA. QazAqparat - Shyńjań ólkesine qarasty Toly aýdanynda turatyn qazaq ájelerden quralǵan «Aqqý» ansambliniń óneri qytaılyq kórermenderdi tamsandyrdy, dep habarlaıdy QazAqparat.
Jaqynda, Qytaıdyń CCTV ortalyq telarnasy uıymdastyrǵan Respýblıkalyq «Ónerli qytaılyqtar» baıqaýynda, «Aqqý» ájeler ansambli ultymyzdyń jún sabaý , syrmaq tigý, jip ıirý sekildi kórinisterin sahnalap, kórermenderdi tántti etti. Atalmysh telearnanyń saıtynda jarııalanǵan beınejazbada, ájelerdiń joba tálimgerlerinń ystyq yqylasyna bólenip, olardy birge bıletip jibergenin baıqaýǵa bolady.
«Erekshe jaǵymdy áýen», «Ánniń boıaýy erekshe, ájeler emes jas balalardyń hory aıtyp turǵandaı sezildi», «Olardyń áreketi erekshe súıkimdi, ásirese jip ıirgeni keremet!», dep pikir bildirgen ádilqazylar biraýyzdan «naǵyr ónerliler» dep baǵalady. Sonymen birge ájeler sahnada kórsetken ár qımyldarynyń maǵynasyn túsindirip te berdi. Nátıjesinde «Aqqý» ájeler ansambli «Ónerli qytaılyqtar» atalymy boıynsha marapattaldy.
Aıta keteıik, ájelerdiń eń úlkeni 75 jasta bolsa, eń kishisi 65-te eken.
Ansambldiń jetekshisi Shyńjańdaǵy belgili bı rejısseri Ersin Qızatuly.
