Qazaq áıelderiniń saıası belsendiligi kózge túsedi - Germanııa sarapshysy
ASTANA. 3 sáýir. QazAqparat /Jasulan Amanbaıuly/ - Qazaq áıelderiniń saıası belsendiligi kózge túsedi.
Búgin, 3 sáýir kúni elimizde ótip jatqan QR Prezıdentiniń kezekten tys saılaýyna qatysty Astanada uıymdastyrylǵan brıfıngte halyqaralyq baqylaýshy, Germanııanyń «R.Lıýksembýrg atyndaǵy qordyń» beıbitshilik jónindegi sarapshysy Volfgang Grabovskıı saılaý barysynan osyndaı pikirde qalǵandyǵyn atap kórsetti.
«Saılaý úderisi mádenıetti, ashyq ári óte jaqsy ótkizilýde. Daýys berýshilerdiń arasynda áıelder men jastardyń qatary kóp. Ásirese, qazaq áıelderiniń saıası belsendiligi kózge túsedi»,-dedi nemis baqylaýshysy.
Onyń aıtýynsha, Qazaqstannyń adam quqyqtary jónindegi zańnamasy, saılaý týraly zańdary halyqaralyq zańnamalardan esh kem emes. «Saılaý baqylaýyna kelmes buryn men Qazaqstannyń Konstıtýtsııasy men Saılaý týraly zańyn jiti oqyp shyqtym. Mundaǵy zańdyq qaǵıdattar, menińshe halyqaralyq talaptarǵa saı»,-dedi ol.
